الهلال - محمد الحويماني
القصايد بها رجم ومسيل وسهال
كنها الارض سبحان العزيز الحكيم
ماأذكر اني رضيت الا بشم الجبال
لين ماعدت أشوف الا السماء لي خصيم
إيه وإن جيت أبأحكي عنك وأنت الهلال
صرت مثل الزعيم اللي يصافح زعيم
يأصدق من الحقيقه وأكبر من الخيال
ياأقرب من الوفا عند الصديق الحميم
ماعلى عشقك الصادق بقلبي جدال
ولا ورى صبحك الواضح بعيني سديم
أزرقك من سمو وأبيضك من تعال
وفي شعارك تباهى الآرض فخر وتهيم
يكفي إنك مقلدها (احدعشر هلال )
والسماء ماتشيل ألا هلال ٍ يتيم
يالهلال ان بغيت أوصفك وأضرب مثال
قلت مايشبهك غير السحاب العظيم
إن ظما صدر من حبك قراحٍ زلال
وان ظما صدر من ضدك عقابٍ وخيم
فأنتصارك يصير الفوز (سر الجمال )
وفإنكسارك يجي للحزن قدرٍ حشيم
لاعبينك سيوف وفي ملامح رجال
وعاشقينك مثل موج البحور الطميم
وأن ترشحت يابندر زعيم الهلال
أعرف بسر كونك يالهلال الزعيم