الأمانة - محمد الحويماني
ياصاحبي واللي ورى ضيقة البال
له يمكن أكثر من سنه في مكانه
أزريت لاآقوله وهو صعب ينقال
والأصعب اكثر لو تركته وشانه
الصمت وافي لكن المشكله طال
وأن طوّل اكثر بأعتبرها خيانه
الى متى وأنا على نفس هالحال
ان جاد صوتي قلت ماهوب أوانه
مليت اداري خطر الناس الأزوال
حتى ملت صدري جروح الميانه
ياصاحبي كم لي وأنا ودي أحتال
على همومي لكن , (الشعر أمانه)
ألقاه غير إذا تساون الاقوال
ويلقاني الضلع ان سعوا في طمانه
اذا كتبته أشعر ان التعب زال
واذا قراني نال قدر ومكانه
وانا التعب فيني من الجال للجال
يكبر ويبقى طيشه وعنفوانه
هذي سنه وأنا مجاهيم الأنذال
تدك صدري , بين جهل ولعانه
ياقلهم وقت الشدايد والأهوال
وياكثرهم وقت الرخاء والليانه
رح قلهم ياصاحبي طيب الفال :
(عن الشجاع اللي يورد حصانه)
وعن سيفه الساطي وحده ليا مال
ماضي ولكن من يسله عشانه ؟
وأطيبهم اللي لا غدت صلف وثقال
حملي على متني وحمله وزانه
ياصاحبي صبرك علي تو لا زال
عندي كلام وودي أطلق عنانه
تبي تعرف اللي ورى ضيقة البال
اللي له أكثر من سنه في مكانه
عان الشجر طايح ولا حولي ظلال
الا ظلالي يقهر الشمس شانه
والأرض ضاقت وأنكرت وجه رجال
غريب وأكثر غربته من زمانه