عرعر - محمد الحويماني
يومين أدور فالقصايد لمدخال
واذا تهيا قلت لا ماتهيا
ماهوب حي الله كلامٍ وينقال
الشعر فيه من الثرى للثريا
قل للشمال شيوخ ورجال وأطفال
أو كل من شافت عيونك هنيا
سلام ياللي يبهج الروح والحال
طاري غلاك من الصدر للمحيا
المدح في عرعر وأهلها ولو طال
ماطال تبقى فالقصايد شفيا
قول(ونعم)من خلقت الأرض لازال
معهم تقول إنه على الوقت عيا
خذ لك مثل يكفيك عن كل الامثال
لو إنها من دون شرح وبليا
تبي تشوف السيل في صوت رجال
شف الشمالي كيف لا جيت حيا
لو إن ثراها ماحمل عمٍ وخال
لكن معي للطيب وأهله حميا
ماقلت لك ماهو كلامٍ وينقال
عرعر ثراها يامحمد تريا