شاعر جنوبي - محمد الدحيمي
سرت يا محثة الخطوة بأثرك وحثت الهتان
بروقٍ عز واليها سحايبها جنوبيه
هلا بك عد ما هب الهبوب وداعب الأغصان
هلا بك كنك الوسمي على ديار سناويه
أهلي بك غلا حتى النفل والشيح والريحان
يهلي من جبل (شمرخ ) لأيام العز يا بنية
وإذا عجز القصيد بوصف شكلك وأزرت القيفان
فأنا شاعر جنوبي يسرج القيفان يا خيه
دخيل السلهمة والنون ذاك اللي وقف حيران
حياوي والخجل يمنعه من لد النظر فيه
دخيل الرمش يوم أسدل ستاره وأجهد الأجفان
على شمس الوجون وضعت بين الشمس والفيه
دخيل أعذب ثمان ينتشي ببروقها العطشان
إلى من ناض بارقها وطاح بصدر وسميه
دخيل النرجس اللي مغرسه في روضة الاوجان
على نهر الندى من كُثر ما هو مرتوي تيه
دخيل الجمرتين اللي خذاها الثلج بالأحضان
(عساني ما أعدمك )يا مبسمٍ ما شاقني زيه
دخيل النقش برخام الكفوف ونزعة الألوان
تمد مسلّمه غير أفضحتني رعشة ايديه
دخيل الخصر وحزام الذهب لفه تقل ثعبان
والى منه تثنى قمت أصوّت (لا رحم حيه )
(بروحي خذت ضيمك ) يا جديل ًمتعب الأمتان
إلى هب الهوى ثم انطوى ليه ورى ليه
بغيت الثأر من خرسٍ غدا صدري لها نيشان
وأثرني كلما أصوّب سهامي عوّدت فيه
تقربني تبعدني على ما قال بن جدلان
(أسولف مع عباد الله وأنا قلبي له نحيه )
بلحظ عيونك الشعلا بخدرة طرفك النعسان
أنا من نظرة عيونك دريت انك (جنوبيه )