شبهت حبك - محمد القرني
شبهت حبك بالعواصف والامطار
والرعد شبهته تحية يدينك ..
وضنيت قلبي له جنا حين يوم طار
واشوف مثل الشمس بيني وبينك ..
اللي يحبك ما تهمه هالاخطار
يصبح بكل الحب سيف بيمينك ..
يدق قلبي دق فنان للطار
وانا بكل الشوق اقبل يدينك ..
الارض ما تسوى بلا حب قنطار
وشلون لو خبيت عني حنينك ..
تفز لو مروا على الدار خطار
وانا أفز ان طروا اسمك وزينك ..
العطر ما نهديه يا ناس عطار
يا كيف نهدي شمس طله جبينك ..
حبي وقلبي والاحاسيس عذار
استسلموا للحب من رمش عينك ..