سلم وخل الشوق يسبق كلامك - محمد القرني
سلم وخل الشوق يسبق سلامك
اتركني احيا فيك عشق ومحبة ..
وانساني في قلبك ونشوة غرامك
ومن يسألك يا زين قل له احبه ..
واذا غشاك الشوق ارفع لثامك
خل القمر لا تجرحه ايش ذنبه ..
وخلك معي برضاك والا خصامك
ودي احس الهم والجرح كذبة ..
اعدل مابين النور منّك وظلمه
اعدل ترى الاشواق ماهي بكذبة ..
وانته في ليلة حب ليلة تمامك
كلن يشوفك نور عينه وحبه ..
خذني حبيبي واللي يرحم عظامك
خذني لقلبك لو هو موتي بقربه ..
اعيش لك اهواك وانسى ملامك
منك احسب الاهوال بالحب عذبة ..
ترى الهوى اللي مر بك في منامك
قد مرني وانا اللي ناره اشبه ..
وان كان قالوا ليه اسمع كلامك
فانا احبك وانت جرحي وطبه ..