مغرور انا - محمد القرني
مغرور انا من يوم حببتني فيك
واشوف كل الناس باطراف طرفي
دلعتني دللتني كيف اجازيك
ما عندي غير الحب ليته يكفي
عجزت أفكر ودي أعطيك وأعطيك
ودي أحبك فوق حبي ووصفي
لو لي قلوب الناس ما قدر أوفيك
ماهي أبد بشواق قلبي توفي
هذا فؤادي جلِّسه بين أياديك
تعدل وتظلم لك غدى السيف كفي
غمرتني بالحب يازين وش فيك
أشعلتني واليوم من هو يطفي
كل المشاعر يابو خالد تهنيك
لله في لله ظاهر ومخفي
اسعدت قلب اللي يحبك ويغليك
وش عاد لو كل الخلايق بصفي