مسموح - محمد القرني
مسموح ماأبغى منك كلمة أحبك
مادمت عندي خلها تحكي القلوب
دقات قلبي عانقت دقات قلبك
ما عاد لي وياك غير انا نذوب
***
حلات حبك يوم انا صرت أحبك
حتى ولو تجرح غدى الجرح محبوب
صدقني أحلا حب لا صرت جنبك
وغيرك ترى يازين ماهوب محسوب
***
ان غبت عني يوم اتوه عقبك
واحس كل الوقت في ناظري غروب
وان جيتني هليت ونسيت ذنبك
واقول انا مخطي أنا كلي اذنوب
***
اجرحني لو حبيت ابمشي بدربك
انا تعودتك واحبك ولا اتوب
ماهمني غيرك وباعيش قربك
نارك ولا جنه بها الحب مسلوب