وسم الروله - منصور الرويلي
ياطريقٍ بديته وأنتهى به سواي
بين عبره وضيقه والجواب أسئله
أعترف وأن توارى دون عفوك خطاي
أعتذر بالشمال وأعْتزي بْروله
ربعي اللي عزاي وبالمواقف معاي
صيتهم لي وصول وعلمهم منزله
حبي أول وجرحي حول حروة مداي
النصيب أنتحابك والقدر ماعدله
يوم قالوا يحبكِ ( ماوصل مستواي )
لا طموحي طموحه ولا أربوعي هلْه
بين كل الجهات وبين فرحة لقاي
قلت أفك القيود وصرت لي مشكله
من عرفتك وجرحي يصطفق في حشاي
المحاني مقره وخافقي مدهله
آه يابعد شوفي آه مبعد سماي
ياحديثٍ شجونه للحديث الولْه
أنت يانصف عمري ياسبايب عناي
مات حلمي معاك ومنتهاه أوله
أنت يأسي وحزني وأنت ذكرى هناي
وأنت آخر طموح وواقعٍ تجهله
حبك أول حقيقه أشرقت في فضاي
وأنطفت بأنتظارك مرحله مرحله
والحروف الحزينه تظطرب في خفاي
جرح وأحلام كانت للشعر سلسله
هاك صدق المعاني صدق يثبت وفاي
الأماني ماعليها بالغلا { وسم رولْه }
وأعترف لك بحبي والمواقف عزاي
لاتوفيت عاشق قصته مذهله