تعزوا بـ ويلان - منصور الرويلي
لا تفرحين بعثرتي كبوة حصان
ماحدن رماني وقتي اللي رماني
ذنبي رفعت النفس بحضور شيطان
لو شفت مرسول الغرام ودعاني
أبيع دمي للكرامه ولا أنهان
وأضحك ليا كشّر بوجهي زماني
ماني بناقص شرهة فلان وفلان
دام الطعون أستوطنت في كياني
أنسان حظه يخدمه يعرف أنسان
وأنسان بأسباب المعرفه يعاني
يوم أنتهى درب الصداقه ولاّ بان
ماتبع عدوي لو زماني حداني
ماهي غريبه من تنكّر ومن خان
بس الغريبه شوفته في مكاني
الله وأكبر بالغلا كان له شأن
وأنا بعد في نظرته شيء ثاني
طارت شراره وأحرقت كل ماكان
وصارت سبب ناراً لهبها كواني
وأن كان قصده إنكسر قدر الامكان
بدري عليه أنه يزعزع كياني
لو عاش ماعانيت من هم وأحزان
في ذمتي الا يشيّب بثواني
والواقع اللي بين لوعه وحرمان
مايستبيح اللي لجا بالمحاني
أنا عزايه بالنشاما بليهان
اليا نخيته فزعتي وأن نخاني
وماينعثر اللي تعزوا ب ويلان
أقصاهم اللي لاتضايقت جاني