الزوبعة - ناصر القحطاني
اخيراً جيت مثل الزوبعه لا جت بها الاقدار
فراقك عيد و جروحي ما ابي غيري يعايدها
انا ويا الهوى سمن وعسل و اليوم ملح ونار
لا عاد اسمع زغاريده ولا ابغى من يزغردها
حبيبي جايني بعد ايش .. بعد الذل بعد العار
فواتير الزمان اللي تخبرة كنت اسددها
دخيلك لا تزيد الطين بله يكفي اللي صار
تراها واصله وان طعت شوري لا تزودها
مادامك لا انت في بالي ولا انتب من حمام الدار
انا ليه انتخي و اقوم الدنيا و اقعدها
ما احبك واركب اعلى مافي خيلك و انطرالك ثار
دفعتك في مهب الريح لين تروح في ديها
زمان بعود كبيرت اتتوعد والزمان اندار
وجيت بغصن زيتون ومواويل ترددها
إذا اعذارك تجمل قولها .. تدري بلاش اعذار
بلاش الحجه من الباب للطاقه توردها
فضحت العشق يخرب بيت عشق ما وراه اسرار
بعد ما كنت اسولف له عن احلامي وسيدها
انا ياما تعبت ابحر و اعكس الريح و التيار
و أبل الشوق واشرب ميته واللهفة اجحدها
واغني للمساء والشمعدان غناية السمار
على ذكرى الشموع اللي طفت من دون ما افقدها
غديت اشتاق والله ياني اشتاق لجفاك امرار
غديت استوعب دموع التماسيح و مشاهدها
تبي تصبح لي الما والهوا والشمس و المزمار
تبي تغدق علي حب الخليقه واصبح اسعدها
ياشيخ استح على دمك ترا دم الكرامه فار
كشفت المستخبي والوعود اللي تسرمدها
غرام آخر زمن ليت الغرام آخر زمن ماصار
وعبرات الندم دقه قديمه روح جددها