بقايا غريب - ناصر حطاب الدهمشي
إيه أنا من تركتيني [ بقايا غريب ]
لا معي عنفوان و لا بصدري جلد
إحترفت المساري و المساري تجيب
كل وجهن فقدته ما تخلي أحد
يا كثر ما فقدت إ/من الاوادم قريب
مير فقد الحبايب للحبايب وحد
صرت اهاب المنازل عند وقت المغيب
صرت ادوِّر مساكن قبل أدوِّر بلد
علميني مدامي في عيونك أديب
كيف أخلِّي كلامي في ضلوعك وتد
كيف أمرر بقايا من غريب كئيب
بين كفِّيك .. واحيا بلا حنين و سهد
من رحلتي و انا اعزف للأماكن نحيب
ما قدرت أعزف اللي يسعد الناس أبد
ليت وقتي يهرِّبني معه قبل أشيب
واعتزل عن غياب ماعرف له أمد
كل ما جيت أحاول عن ملامحك أغيب
وقفن في طريقي ذكريات و أرد
ايه .. أنا في غيابك فاقد لي حبيب
لكن أنت فقدتي في غيابك ولد