ياماجد - ياسر التويجري
انا لا قلت خلصنا من الربطه بقا شهرين
وانا لا دخت من دوشه طلعت وطحت في دوشه
اهوجس بولع وأسرف وهذري واكثرا التخمين
واثر وقتي لامني حسبته راح بلوشة
لك الله ياعودن توفا ب أول الستين
يا خوي لامني لمحته ضعت بطوشه
يا(ماجد) ماذبح قلبي غلا مريم ولا ياسمين
ولاهو بسبب عندي غلا وفراق قموشه
انا مستأسرن قلبي بمخلابه ابو كفين
واحب الطير من صغري وقبل خشم مطروشه
وانا بعطيك ماعندي وودي تسمعه الحين
وابيك تقدر حروفن علي معناي مربوشه
ترا فكري وتوميبه طواريح البحر قزوين
ونشدلك شوي عن فروخن وتترك اعشوشه
ابيك تشيل في كفك وسيع العين
جثل فرخ الغتار الي طويل وشقرن انقوشه
هذاك الي لامنك لمحته قلة طيرن زين
سمعك وقالك ياحظه بخيصن يقدر يحوشه
نحره ابيض من المنبا وقفره افطح من الطين
وراسه كنها البيضه مع الجنبين مفقوشه
وانا باخذ من طيور الخواجه جير مع شاهين
هذاك تقل كبده علي الحذراة منهوشه
هجين وكاسبن خبره ويلعبها علي الحبلين
ولا فرخ من اهزال الطيور وهد في حوشه
توصو عند جيناته وحطوله من النوعين
شجاع ويسبق افروخن علي الصيداة مخروشه
ماهو تفريخ من لندن ولاتفريخ راعي الصين
ولاهو خطة امريكا ولا تفكير من بوشه
سعو في شبة شلة رموز في عالم التهجين
ومعهم صاحبي مدري شسمه بس له شوشه
ياحي اقباله النادر وطول وممتر العشرين
وحيه كله برزة نباه ودقة ارشوشه
عليه الله لامنك تعينته تقول اثنين
وحسب ربك كن الطيور بجنبه اخدوشه
جبر ومصطحن راسه وكاشف يشبه الفلين
وعينه كنها نكتت سواد بقلب مغشوشه
تجلا عاتقه حتي تعدال هامة الكتفين
وصلبن منسره كنه فولاد وراس ناتوشه
عريض ومنكبه واقف وعينه حد من سكين
هجر ما يثني اكراعه عصا ساقيه محشوشه
متا والله يجي وقة نشد ونركب الالفين
ونقنص بسهل يمت خذال ونترك اعفوشه
بقفراً خايعاً مابه سراج ووغثتاً غاوين
ماغير مولعنً تله هواه وينقل اوحوشه
وحنا من الطمش ننقل طيوراً ختمها برلين
بها مستعصية شرب الحبار تطيح ملكوشة
يوم ان اللي معه طرح الحماد يطيح بي ثنتين
وتالي وقته يمسح نهره ويحسب مروشة
ترا حنا اليا منا حسبنا نقمز الخمسين
ولاناخذ عنه الا وهي بالغيم مخشووشة
على كثرة عذاريب الحسود وهرجه الفاضين
على كثرة أني ماحب عناده وكوشة
أليا منه تهايقلي سرح فكري بحور العين
وأليا منه تفرعن لي ذكرت الحرب وجيووشة
مهيبً كن في قصه جناحه لمعه السيفين
شعار المملكة ماهو شعار فوق خربووشة
لزوماُ لنتحت جسمة يسمى مكسب الهاوين
لزوم اللي نقل غيرة يشيل البندق الخوشة
هو اللي أقنص بمثلةوأشيل الدين فوق الدين
او أني اتركت الولعه وأعاف الصيد وعفوووشة