وياك ياطير الحمام - حكمت البيداري
وياك وياك ، ياطير الحمام
وياك وياك ، وصلي سلام
گله وحچيله عليا
شوف هجره أسوا بيا
فراگ الأحباب حرام
وياك وياك ..
گله عذبني حنيني .. لاخبر منه يجيني
لشوفته مشتاگه عيني ... الليل ماتغفى وتنام
وياك وياك ..
گله من بعدك ياغالي .. المن أشكي هذا حالي
غايب أنتَّ وعلى بالي ... عشرتك وأحلى الكلام
وياك وياك
گله هذا العمر شمعه .. يذوب دمعه على دمعه
ليش من عدنه نضيعه... ياعمر للناس دام
وياك وياك ..