انتهيت - بشاير الشيباني
أنثر أهاتي وارسمها بحروف
أه ليت الشعر يحكي ماخفيت
عن حبيب غاب وعيوني ماتشوف
أشهد اني في فراقه انتهيت
راضيه لو كل عمري له يطوف
عايشه ذكراه عمري ماسليت
أه ياطيبك وكم قلبك عطوف
حن واقسى يا حياتي لو بغيت
أملا عيوني بشوفك لو طيوف
برتوي منها لو ادري مارتويت
صار قربك مثل بعدك فيه خوف
ليتني لا شفت طيفك ماوعيت
في بعادك كني مااقوى عالوقوف
الزمن يلوي ذراعي ولا انحنيت
ليت هالعالم بالخافي تشوف
من عذاب الوقت والله ماشفيت
أعشقك لوك تجافيني وتعوف
لولا حبك لا حشا ماقد حييت