المرقاب - تركي الديحاني

ابصعد المرقاب واشب ضوي
مدامني ضاري بعال المراقيب

ماقول ياليتي ولا قول لوي
اتعب على الطالات وادور الطيب

اخذ قراراتي بصمت وتروي
ماني من اللي اجازي العيب بالعيب

واكبر مثل بن الزمان متلوي
تضيع مابين العدو والاصاحيب

كنت اتحرى طعنتي من عدوي
لكن جتني من ولد عم وقريب

مانيب قايل بعدها ويش اسوي
مشيتها من قبل تدري الاجانيب

ماهو على شانه ولا هو متقوي
كله على شان اللحى والاشانيب

ماقولّه يافلان عكرت جوي
لا والله يبشر بالهلا والرتاحيب

لو كان نجمه كل ليله يضوي
ياخذ على جو السما ايام ويغيب

الشيخ هو الشيخ مهما يسوي
لابد مانلقى بشخصه عذاريب