النمْل عند بابك يموت ولايحصّل حاجته - تركي الديحاني
قوي باس ولي مع اهل المعرفه باعٍ طويل
ودوج في دربٍ صعاليك العرب ماداجته
ولايعذرب بالرجال الا الهزيل ابن الهزيل
خطو الهبود اللي يدرجها على دراجته
وترى العرب اتميّز الرجال وتعرف الهبيل
حتى ولو فلمك يعجْب الناس في دبلاجته
وانا سواة اللي برك للحمل ومتونه تشيل
وانت سواة اللي يلج الناس في لجاجته
لا تعترض دربي وانا رجلٍ من الوزن الثقيل
انا على طيب الزمن وانتا على سماجته
يعلمك عنيّ الجدي ويعلمك عنّي سهيل
ماني من اللّي صيدْته تضيع في عجاجته ؟
والاّ انت يامال العما من كثر ماكفّك بخيل
النمْل عند بابك يموت ولايحصّل حاجته
سويت مثل اللي يحلْب النمل ويدس الصميل
اللي ماتلقى غير كسرة خبزْ في ثلاجته ؟
واللي بنى بيته من الزجاج يركد ؟ لايعيل
لايحذف الناس ابحجر ثم تنكسر زجاجته