ستار بوكس - تركي الديحاني

المترف الي شاقني ياناس بسم الله عليه
شد انتباهي بالنظر من بد كل رفاقته

ساعة لمحته وابتسم اشر بعدها في يديه
مطفوق ماهمه احد واعجبت في طفاقته

قال السلام وقلت له حييت والخاطر نزيه
قال الوعد ستار بوكس حتى طرح علاقته

ورحنا على نفس الممر نبغى المكان الي يبيه
وطول الطريق الترف يبغاني اشوف سواقته

ويومن وصلنا واكثر الموجود لد الشوف فيه
الزين عشاقه كثر وانا ضمن عشاقته

جلست وقال اطلب تفضل ماتبيه وتشتهيه
ورحت اكثر بالطلب لانه على نفاقته

المشكله زدت الطلب ماقال لا ماقال ليه
فسقان والفلس الحمر مطنوخ من فساقته

الين جاوب واعترف انا نسل هاك النبيه
منته مصدق قلت لا حتى كشف بطاقته

بين اعجابه واستحى والخوف ساكن ناظريه
من قبل لامشي واتركه فتحلي فم علاقته

صارت محبه بيننا ثم قمت احبه واهتويه
يستاهل القلب الخلي واتعب على رواقته

كله حلا والا علا قول الجنوبي كل ابيه
في ضحكته في رزته في مشيه ولباقته

لو ضاقت الدنيا علي وامل من كل الوجيه
ياناس ياعالم ياهوه ما اضيق من صداقته

الله عطاني محبته وانا بعد ميت عليه
ساقتني القسمه عليه وقسمته لي ساقته

قلت اتغلى واتركه وانطر مجيه واحتريه
والشوق يحرق خافقي على لهيب احراقته

ويوم انتظرت وطق بابي والمصيبه يوم اجيه
ثم طقطقت ضلوع صدري والسبب طقطاقته

معه الورود وباقته والورد الاحمر وجنتيه
وعيني على الورد الحمر نسيت الورد وباقته

اغليه من كثر الغلا حبيت حتى والديه
وجعله فدا علاقتي وجعلي فدا علاقته