شاعر الجمهور وقناة فلاش - تركي الديحاني
الله يبيح الشعر والقيفاني
والبحر والطاروق والاوزاني
على قناة فلاش شفته ميّت
من سبة الخبلان والورعاني
كلٍ يذكي الشعر والله يسامح
ابو حقب وملهي الرعياني
كنك تمشّى وسط سوق الجمعه
مجمّع الاشكال واللواني
على قناة فلاش( امسك بطنك )
الظحك للجمهور بالمجاني
لاشفتهم ماكنّك الا اتابع
عادل امام وعايشه الكيلاني
وانا ماضحّكني ولا بكاني
الا ثنينه فقّعوْ مصراني
اللي يقول امْبيه موتي حرّه
واللي يقول عقالي البطراني
شعّارهم كلٍ يدربي راسه
ويقلّد ابن فطيس والميزاني
لكن ربَي يوم يخلق يفرق
مثل اختلاف الرنج والنيساني
عفت القصيد وعفت كل الساحه
ولحدٍ يقول اليوم صح الساني