زلمسي - حسن علي الهاجري

الناس راحت للمصايف وحنّا
مابين تلفاز وريموت ومكيّف

والهم لو ينقاس خمسين طنّا
وفوق الهموم الجو حار ويعيّف

واغلى اصدقانا راحوا اليوم عنّا
والقلب مشكلته عليهم صخيّف

ليت الذي نشتاق له في وطنّا
والله ما نسأل عن الليّ يصيّف

وليت الزمن يمشي على ماتمنّى
ان كان شقّقت الخريطه وأزيّف

وخليجنا يصبح بغربي فيينّا
والضيف يصبح في مقام المضيّف

وتصبح زلمسي ملكنا ونتهنّى
وحتّّى الابل تشبع وفيها تكيّف

ونعتز بالاسلام ما نستكنّا
ونقود كل الغرب قود الخريّف

ونصنع لنا تاريخ مجد يبنّا
ونحرّر الاقصى بفعل يسيّف

هذي طراة العمر لاكن غبنّا
الحال متدهور .. وحيل ضعيّف

الله يعدّل ما بقى من زمنّا
ويزين حظّ طال وقته وصيّف

وان عوّدت للحق لو نتغنّى
ونظهر مشاعرنا بقاف لطيّف

ترى القناعه كنز فالقلب منّا
ولازم نساير وقتنا ونتكيّف

ونصبر على جو الخليج ووطنّا
نصبر على جوّه لو أنّه يعيّف