خليتني اشكي - حمود البغيلي
خليتني أشكي من البعد مهموم
لا العين مسروره ولا القلب مرتاح
وركبت لك قفل ٍ على القلب مختوم
بأسم المحبه وإنت للقلب مفتاح
قصر المحبه بعدكم صار مهدوم
تلعب بجدرانه صعاليك الأشباح
ياما سهرت وحاربت عيني النوم
اذكرك حتى بان لي نور الاصباح
امسيت معطا منك واصبحت محروم
وسيطر علي الحزن من عقب الافراح
عن الخطا مافيه انسان معصوم
بس المهم اللي مشى درب الاصلاح
ولهل الهوى يازين عادات وسلوم
وسوق الهوى فيه الخساير والارباح
من مات في درب الهوى قلت مرحوم
الحب شعله نورّت كل مصباح
وخليتني اشكي من البعد مهموم
لا العين مرتاحه والا القلب مرتاح