ضاقت عليه - سالم خضير
الله من واهج بالصدر يجتالي
ضاقت عليه الوسيعة في مخارجها
باسباب وقتي غريبي كدر البالي
يدور بالعكس والافكار مزعجها
يا ما تشوف العيون الوان واشكالي
تحتار لو فكرك الصافي إمبرمجها
هذا هو الوقت من ماضيت الاجيالي
نمشي بها والبشر هذي مناهجها
فيه الصداقة على دينار وريالي
بالغش والكذب والحيلات تنسجها
تعطيك كلمة وتاخذها على البالي
وتسايرك لين تقضي بك حوايجها
وليا وانتهى شغلها تضرب بك الجالي
تنساك لو ان على متنك محججها
وفيه الرفيق الموالي صار دجّالي
ليا سع كلمتي شينة يروّجها
وقته يقضيه بين القيل والقالي
خبلي عروض البشر ما غير يعلجها
وما دمت حيي تجنب درب الانذالي
وخلك مع اللي دروب الطيب منهجها
اللي تسرك ليا من حل بك حالي
وان مسك الوقت كرباتك تفرجها
مشاكلي لا تعد ولا لها تالي
مشاكل المجتمع يا من يعالجها
ودنياك فيها كثير المر والحالي
وان عاكست نارها يحرقك واهجها
وقد قال عبد الله النايف بالامثالي
لا خير في رفقةي هذي نتايجها
وعبرت ما قلت من عذبات الاقوالي
ابيات من ضامري والفكر منتجها