جتني هنوف - سالم خضير

جتني هنوف في ضحى العيد يا سعود
الموت بين حجاجها ورقبتها

تسلب قلوب الناس بعيونها السود
وجايلي فوق المتون انثرتها

والجسم غصن الموز لا هزه النود
وردايفي زين الملابس طوتها

تزها جديد اللبس والماص وعقود
وكل الوصوف الباقيه كملتها

مستعجله عجلة وانا اقول بالهود
الشوف يغنيني عن مكالمتها

بقيت انا اعطيها مواثيق وعهود
ورسالهي في خاطري ما قرتها

لا شك وقتي يا هل العرف محدود
وفرصة عنود الصيد ما سانحتها

ترى الهواء والحب ما فيه منقود
وطرايقه كل الخلايق مشتها

لو كان دربه فيه نزلات وصعود
ومشاكله ما تنعرف عاقبتها

ومن عقبها في القلب حسرات ولهود
وجوارحي في مهجتي صوبتها

وسهرت طول الليل والعالم رقود
باسبابها كل الهجوس اشغلتها

ولا ظنتي من عقب ما راحت إتعود
الله علم فيها وفي خاتمها