الغلا جهراوي - سعد برّاك
مانيب عن حبك ودربك غاوي
ناوى اكمل لك غرامي ناوي
وين انت غايب لايطول اغيابك
غيبتك ( مشهاب الجروح الكاوي)
ياحبى الأول ولا به غيرك
علي رجا لقياك سارح ضاوي
ياسيدي يا ابو العيون الذبّل
انشهد إنّي في غرامك هاوي
امن الغرام اموت بك واحيابك
كن المشاعر صوت ( ذيبٍ عاوي)
اجيك وارد من غلاتك ضامي
واشربك من شوقي واصدر راوي
براءة الحب العفيف الطاهر
ماهيب لحية ما يقول الراوي
تفلسفك تصرفك منطوقك
لاقلت قاويهن فلاني قاوي
في نظرة عيونك كلام وغايه
في بسمتك حاوى العذوبه حاوي
فيك الجمال وموطنه وابداعه
معنى الحلا والزين بك متساوي
تبغى الحقيقه صدق يا حبّى لك
ملح الشمال ونبرة الجداوي
وأليا انشدوني عن غرامي وينه
فالشوق كله والغلا ( جهراوي)