جمّ المشاعر - سعد برّاك
مشاعري تشهد وشعري حقيقي
والزيف مايلقي بفكري محلّه
حتي قصيدي في مساوى رفيقي
ماهيب من باب الخيالات والله
اتعب ورى الايام وينش ريقي
وأرد علي جمّ المشاعر وأبله
اخاف لا اقصر خطوتي في طريقي
وتضحك بتاريخي قلوبٍ مغلّه
تستاسع الدنيا علّى وتضيقي
والصبر سيفه قدم الايام اسلّه
لو ضيقتي علي خفوقي تويقي
اموت قبل الدمع عيني تهلّه
شرواى دمع العين به مايليقي
دمع الفتي في الوقت عيب ومذلّه
لو كان قلبي فالليالي رقيقي
عيّنت بي من صدمة الوقت خلّه
محدٍ بصافي لي مصافي شقيقي
لو إني اصخي له بشوري وادلّه
والبحر مايرحم صياح الغريقي
والعمر ودك ماتضيعه كلّه
وفرايد الشعر الجزيل الحقيقي
اوصافها مثل النجوم المطلّه