اللي نويته نويته - سعد برّاك

علي النقا لاعاد تخلف نواياك
وأنا الطريق اللي نويته نويته

معى هنا وهناك وهناك وهناك
ومنين ماوجهت طيفك نصيته

قدك وعنقك وأستنارت محياك
وعينٍ تقول اللي هقيته لقيته

شفت الوله كن الوله داك ودواك
شفت الحلا كنك مداره وبيته

أخذتني شوق وغلا لاعدمناك
وأناعطيتك شوقي اللي خذيته

لك فلسفه كن الزعل يخدم أرضاك
وكن الزعل في فلسفتك أرتضيته؟

رحابتك لاضقت تدمح خطاياك
وعواطفك حيّه ولاهيب ميته

كنك تسافربي علي جال فرقاك
وكنك تلاقيني علي ما بغيته

فالحب تقصاني وأنا ما ألحق اقصاك
ياويل قلبٍ فالمحبه قصيته

محدٍ يسوى فالمحبه سواياك
ولا أحدٍ يوفى فالهوى ماوفيته

ذبحتني جعل المنايا تعداك
(فالهجر) وفؤادي صقر واشتويته

علي التغلي والجفا مد يمناك
درب التجافي ساومك واشتريته

جيتك محب وصادفتني مطاياك
والقلب من بين الضلوع أحتديته

وإن قلت وش تالي قصيد (أبن براك)
فأنت القصيد اللي كتبت وقريته