ياصاحبي - صقر النصافي

ياصاحبي ماني براعي مهاداه
اماارضني وإلا اجفني واستخيري

اما تعال وماطلبناك عطناه
وإلا تروح وجعل دربك سفيري

من شق شق يااريش العين يرفاه
وانت الذي شقيت خافي ضميري

تضحك وانا صملان قلبي مطواه
تقول لي لين الفلك يستديري

مانيب من يطرد سراب بمضماه
شاف السراب ويحسب انه غديري

عيني على شوف الولايف مضراه
جزوع لاشفت الجفا من عشيري

مايستوي حب بليا مراضاه
بيني وبينك ياالغضي مايصيري