ياليتنا ماعرفناه - صقر النصافي
يامل قلب مايبي غير ماجاه
حمل الهوى ضده وعينه وجيعه
أمست هواجيسه من الحب تشعاه
وأمحل شعيبه عقب ما أقبل ربيعه
على عشيرن جيب زمله لفرقاه
ياليت زمله غادي من وديعه
ياخذ ثمان سنين ماعاد يلقاه
لين ايتعلم للتحضري طبيعه
أتلى العهد به يوم دنّا مطاياه
فتق ذرا بيته وحدّر وضيعه
ياقرب مصباحه ومبعد امعشاه
وهذا مكانه يفجع القلب ريعه
ياليتنا قبل العنا ماعرفناه
والا اجتمعنا والليالي مطيعه