لميس - عبدالعزيز السبيّل

لميس ابو شعر.. ياويلي ويافرقا
لاشفتها قمت أغني وأفرك يديني ..

وإليا ذكرت البتول الجادل الطرقا
لميس ابو شعر صدق تطيح من عيني !!

مافيه من زينها بالشام والشرقا
وشلون تجلي الظلام وهيّ من طيني .؟

منهو يلوم المشاعر كانها غرقا
قولوله بساعه يحرر فلسطيني !!

الحب جمرٍ غضا وأوقاتنا حرقا
بين أعشقك ياهواي ويامعنيني ..

اعداد شعاركم ياروقه وبرقا
احبها والمحبه بيني وبيني !

بيرق هواها مدامي خلّها يرقا
وانا حفيد الطحاطيح السلاطيني ..

أهل النقا والقنا والسيف والزرقا
حرب الحريبه مرجحة الموازيني ..

تتلني صوبها لا ناحت الورقا
واصير مابين ..( وديني , وجيبيني )..

وادور الراقيه بالطرق والأرقا
من خوف طاريك يا.../ صد المحبيني ..

هو ليه؟ كثر الحكي والهرج والقرقا
وانا ادري بحبها وادري تدانيني !

يالله انا طالبك لا طرّت الفرقا
اموت من قبل لاتروح وتخليني !!