الكتابة - علي مساعد
يعني أبطّل شعر و أنسى الكتابه
عشان ما أجرح في قصيدي ضميرك
اللي قريته من مشاعر سحابه
همسه مشاعر ما أتغزل بغيرك
و إلا انت شخصٍ صعب ما ينحكى به
من حسن حظي يوم قلبي عشيرك
لو القصيد بنصفك في حسابه
و الله لأقصد بك و لا أستشيرك
يا سحر يا تعجيز كلك غرابه
شلون أبوصف دام أضيع بعبيرك
كل العذارى في عيوني تشابه
ما شفت في الدنيا حبيبي نظيرك
لا بارك الله بالشعر و الكتابه
إن كان به حرفٍ كتبته يثيرك