كويتية - علي مساعد

حرقتي أعصاب أعصابي دخيل الله
جنون .. غيره على هالحال يوميّه

لا من زعلتي قلبتي عالمي كلّه
و عيوب خلق الله تحطينها فيّه

و لامن رضيتي تناديني هلا والله
دنياي عقبك ((علي مساعد)) رماديّه

أكيد بك شي أو تشكين من علّه
لا مستحيل إنتِ إنسانه طبيعيّه ؟!

يا ليلي الليل .. لا شفتي علي زلّه
ساعتها أكره حيات الناس موليّه

طلعتي الشيب في راسي قبل حلّه
أنا أصبغ الشيب و إنتِ توّك بنيّه

قلبك و أعرفه ضعيف يخاف من ظلّه
لكن معي .. تركبك مليون جنيّه

يا ناس دربي عجزت ألقاه و أدلّه
هالبنت ماهي طبيعيه .. خياليه

لا قلت وش فيه ؟! عقلك صابته خفّه
قالت و هي تلتفت كيفي كويتيّه