العيون - علي مساعد
على كثر العيون اللي ضحكت لي ما بكت لي عين
بكيت و لا لقيت لدمعتي عينٍ تواسيني
غرقت و لا لقيت لصرختي منهو يمد يدين
تصوبني سهوم الموت مرّه و ألف تخطيني
أنا و حظّي رجعنا كل منّا خالي الكفين
على كيف الدهر من وين ما يمشي يوديني
ذبحني جرحي اللي ثار بي و أدمى من الصوبين
بلاني وين أولي به ؟! لعب في حسبة سنيني
خطاي إني وفيت و ما عرفت ألعب على الحبلين
خطاي إني إذا حبيت أحب بكل ما فيني
نعم باقي من عيوني لعينك ألف دين ودين
لو أجمعها جروح الناس بقلبك ما تكفيني
أبد ما أتبعه كذاب والله صاحب البالين
وش اللي أذكره بالخير منك لأجل تهديني
أنا تدرين ربي ما خلقني أتبع المقفين
وربي لو رجعت بكلمتي لأقطع شراييني