الرمث - علي مساعد

أولع الرمث وأبكي له
عشان لا تشمت العدوان

وإن قيل دمعتك وشهي له
بأقول من سبّه الدخان

الليل ودّع تعاليله
واستاحش الخاطر الولهان

والروض جفّت محاصيله
والقاع قفرا بلا عربان

الله يا كثر عشقي له
اللي رحل ما ترك عنوان

ليته فهم ويش أبي أحكي له
ليته تعوّذ من الشيطان

أتلا عهوده مراسيله
راح وتركهن وهو زعلان

في هالزمن ضاعت الحيله
والحظ ما عاد له بيبان

لا قلت شَدْ البخت حيله
من كل وادي يجي طوفان

يا رب من عقب فقدي له
تلهمني الصبر والسلوان