دروب المسافة - علي مساعد
يا دروب المسافه وش ورى هالتعب
وش وراها الجروح الموجعات الأليمه
من خلقنا عرفنا إن السبب له سبب
و ما خبرنا الليالي في عطاها كريمه
إي غيري كثير اللي خسر وإنغلب
بس وشهي حياتي لا فقدت العزيمه
عيب ألوم الليالي و أنتخي بالعرب
دام لي قلب يصبر و النوايا سليمه
ما عثرني زمانٍ شفت فيه العجب
لو خسرت بكرامه يا هلا بالهزيمه
لا تذب المشاعر في بحور الغضب
حاسب . . الله يحاسب من سعى للظليمه
بتعلّم من شفاهك أصول العتب
و أتلذذ بهمسك جعل ربي يديمه
تدري إني أضيع بضحكتك للهدب
و أرتبك حيل و أرقى بين نجمه و غيمه
و آخرة قلبي اللي لا صدق لي كذب
راح أجمل زماني ما اهتنيت بنعيمه
الوجيه تلالا في عيوني ذهب
بس مدري من اللي يستحق الحشيمه
يالله إنك عويني بهالزمان الصعب
كل واحد غدا له ألف قيمه و قيمه
معك أو دونك العيشة تعب في تعب
خل عنك النتايج كلبوها أليمه