الحزن - علي مساعد

وين انت يالحزن ماهي عادتك تبطي
حتى انت يالحزن تبخل في مواعيدك

خابرك تاخذ من أيامي و لا تعطي
سواد جفني رسمته من تساهيدك

ما هوب بحقٍ على من عاشرك تخطي
لا صار منك الدوا يالله على إيدك

يا عيون أبوي سكنت بضامري مبطي
رزقني الله يومي من مواليدك

من صغر سني هويتك يوم أنا خطي
لو كان بايدي أنا التاريخ لأعيدك

يا جروح دوك الحنايا بوسطها حطي
و أرتاح يا وقت دام همومنا عيدك

إليا متى نكتم الآهات ونغطي
يا عمر والله ناقص لو نبي نزيدك

ويا الحزن بالله لا تنسى و لا تبطي
قربك شفا الروح يا محلا مواعيدك