ألف رجال - علي مساعد
تكفون منهو يكشف السر و الفال
عليّ وقتي ضاق رغم اتساعه
والله لا خايف و لا صابني جفال
و المسأله ماهيب لحية شجاعه
دلوني لساحر أبي أي دجال
موتي أشوفه بين ساعه و ساعه
سحري مَرَه تسوى لها ألف رجال
الطيب و المعروف تلوي ذراعه
أنعم من الديباج و أبيض من الشال
فعيونها أشوف ظلم و شفاعه
لا عقّدت حجانها تبري الحال
و إليا ضحكت لبيت سمعا و طاعه
العشق فيها يروي سهول و جبال
ربحي بهالدنيا و أثمن بضاعه
يا قربها من عم من جد من خال
و يا بعدها و الفرق باين شعاعه
تكفون لولي حيلة والله أحتال
المسأله ماهيب لحية شجاعه