الليل - علي مساعد

إسري قبل يسري بك الليل و يطول
الليل سجني لا تطولك يدينه

جيتي من المجهول و رحتي لمجهول
يا كثر ما انتي في حياتك حزينه

ايه اضحكي و ابكي على كل ما أقول
همّك مداين ما تضمه مدينه

باب الغلا له عمر و سنين مقفول
في يوم أو يومين ما تكسرينه

لو درتي كل الأرض بالعرض و الطول
حتى لنفسك ما تكوني أمينه

روح الدلع و العطر و الحسن و الطول
ذنبك ماهو ذنب الزمان و سنينه

مرْ الكلام اللي من شفاك معسول
لأنك جهلتي من يبيك وتبينه