الشعر - علي مساعد

تدري لو إن الشعِر ما يبدي لي إعجابك
والله ليبطي وهو ما سال بأوراقي

عمت عيون القصيد إن كان ما جابك
إن كان ما هز جوفك وأطلق أشواقي

خيبة تعب كان ضاع العمر بأسبابك
وإلا بعينك تساوى الوصل وإفراقي

أجمل زماني خسرته راح لحسابك
وش عاد خليت غير الشعر و إرهاقي

أنا معك لا تثور وتتعب أعصابك
لو بالنهايه أنا الخسران والشاقي

من يدك هاذي إلى هاذي أنا أولابك
حِبْ بضمير وعليّه إترك الباقي

ضامي وفا جيت أطلب فزعه أهدابك
متى على الله ترد الروح يالساقي

عني متى غبت حس حس بغيابك
يا كثر ما أضيعك وألقاك فأعماقي