وجع راس - علي مساعد

إلا أبخطي ثم أخطي و بأخطي
أنا بشر ماني عن الذنب معصوم

ماهو صحيح آخذ معك دوم و أعطي
و إذا حصل مني خطا صارت علوم

واجد عيوبك لكن أستر و أغطي
أخاف لا نخسر بعضنا على يوم

لا لا تشيل من الملام و توطّي
يكفي أنا ناقص وجع راس و هموم؟!

هذا أنا هذا مساري و خطّي
يرضيك .. ما يرضيك لا منت ملزوم

الراي عايم بين شطّك وشطّي
بالضبط مثل الحظ خايب و معدوم

لو هو بكيفي كان ناسيك مبطي
و مترتاح لا تفكير لا عتاب لا لوم

لا شك قلبي لا نوى البعد يخطي
و إنتا ملاكٍ عن خطاياه معصوم