شمعدان - علي مساعد
انكساري ظلم في هذا الزمان
في زمن فيه الردايا طيبين
لو كسيتيني وفا .. حب .. و حنان
صدقيني في النهايه تندمين
انتي مجنونه ويكفيني جنان
هدّي .. هدّي يا عسا ما تعقلين
معاهدك باللي عليه المستعان
لأتبعك باللي تبين وما تبين
كان قلبي فزْ مع غيرك وخان
قولي كل الخلق مثله خايين
ما عرفت المسك وإلا الزعفران
لين ضميتي خفوقي باليدين
لين ضيّعت المكان بهالمكان
لين حسيت إني شيخ العاشقين
ايه شمعة بس صدري شمعدان
مهما نورتي بصدري تنطفين
ليتها جروحك معي عشر وثمان
مهما عديتي معاي تضَيعين
كل جرح أغلى من الثاني عشان
أذكرك في كل مرّه مرتين