مخاوي الروح - علي مساعد
يا مخاوي الروح وينك طالت الغيبه
وين انت ضاق الفضا و الكون فغيابك
القلب في غيبتك تلعب به الريبه
يخاف شيٍ تغيّر فيك أو صابك
أروح ناسي و أقول القرب مالي به
وخطاي توقف و أنا مدري على بابك
لي قلب مفتون قلّي ويش أسوي به
ينوي عتابك و لامن قابلك هابك
أحلى المخاليق لا شافك عرف عيبه
لو فيك بعض الدلع لا شك ما عابك
إسمك على الدوم بلساني أهذري به
إنطق تكلّم وش اللي يرضي إعجابك
يلج عطرك بثوبي بنفحه وطيبه
بآخر لقا كان يومٍ ذبت بثيابك
ما صارت غياب قلبي ملْ تعذيبه
الله و أكبر حبيب وما أبرد أعصابك