رسالة - علي مساعد
بعد عشرة عمر راحت ليالي طوال من فرقاك
سألت و جيت تشكيني و تطويني مع همّك
هداك الحظ و إلا الشوق و إلا خانتك دنياك
غريبه انت هذا انت أو واحد مثل رسمك
رغم همي و حرماني و أنا عايش على ذكراك
رغم كل الجروح اللي تعبتني راضي بحكمك
حبيبي جيت في وقتك قضا عمري و أنا أتمناك
تعال إن ما سعاك الكون فعيوني أنا أضمك
أحبك كل أخباري عسى عمري يروح فداك
عسى بعض الشعور اللي جرا بي يجري بدمك
أحبك كثر ما تطري على بالي و لا ألقاك
كثر خوفي عليك و منك كثر ما أشهق بإسمك