الأيام - علي مساعد

بعد ما دارت الأيام تراجع في قراراتك
ترد بدمعتك نادم تقول انه على شاني

لقيت إن الخطا مطبوع واضح في ملفاتك
تحسب إني على كيفك وحبّي لعب صبياني

تحاول تبدي أعذارك وتقنعني بكلماتك
نسيت إني محيت إسمك عظيمٍ فيك هجراني

أنا مارد يالغالي كفايه ضيم صدماتك
تحمّل صدمه الأيام تراك المخطي الجاني

أنا ماني مثل غيري تسلّى فيه بأوقاتك
تردّه كل ما مليت ويرجع يتبعك ثاني

إخذ بالك من أيامك ألا يا كثر غلطاتك
تركّد ..واغتنم وقتك ترى باقي العمر فاني

ترى باقي العمر لحظة خسارة كان هو فاتك
تموت بحسرتك وتعيش تالي العمر وحداني