يسعد لي هالضحكه - علي مساعد
ضاقت مساحات الرجا في كلامي
قلي أجيك منين ودي أراضيك
ربكتني وألهيتني عن سلامي
مدري وش اللي بآخذه منك وأعطيك
حاولت أداري في سكوتي هيامي
أثري نسيت وطحت كلي بأياديك
أخاف صمتي لا يبوح انهزامي
وتاخذني العزّه بنفسي وأخليك
مليون حاجة بك تزيد احترامي
خلتني أترك كل شي لمعاليك
الله يعلم كم تثير اهتمامي
يخلف عليْ الله ما أطيع أنا فيك
قلي بربّك هو يهمك غرامي
وإلا أنا مالي مكان بأراضيك
على كثر ما أذكر وجيه وأسامي
معهم نسيت اسمي عسى الله يجازيك
يحق لك تضحك وتقطع كلامي
يسعدلي هالضحكه منايا أراضيك