سوالف الصمت - فائق عبدالجليل

الصمت ..صافحني ونطق
قال و بكى
قال وشهق
واحد سرق
واحد تعذب و أحترق
واحد جبينه ما عرق
وفي ناس ما تحلم أبد
وفي ناس ما تعطش أبد
و في ناس ما تآكل خبز
و في ناس ما ذاقت مرق
الصمت كلمني بحمق
قال الشعر
شمس و تفق
و الحرف رايات وفشق
و اللي سكت مات وغرق
مستحي أكتب على اللوحة وأطوف
مستحي
اقعد اسولف للضيوف
اعذروني
مغمض وعيني تشوف
مقدر أكتب
للقراطيس القديمة والسيوف
مقدر أكتب
اعذروني
مستحي رغم الظروف
و رغم أشكال الدفاتر و الحروف !