رجال يام - فيصل اليامي
ليه اطلب الما من اللي خابره ضامي
ليه اقبل الظلم وارضى خافقي يضهد
بعض الرجاجيل ماله موقف ٍ سامي
حبلِ ٍ وما يرتكز حتى ولو يسند
قولوا لمنهو تمنى يكسر عظامي
ماهو كفو وامنياته م السما ابعد
الطيب نبعِ ٍ شربته بأول ايامي
شّبري طويلِ ٍ وقولي تثبته ذا اليد
شيخٍ ابن شيخ وخوالي حسبة اعمامي
تنبيه رووس العرب كانه بغى يجحد
ايه افتخر لاعتزيت وقلت انا يامي
ويحق للي مكاني يفتخر وازود
رجال يام ان تعازوا ناض قدامي
برقِ ٍ تلالا وصوت ٍ ف السما يرعد
هم درعي اللي يصد الرمح وحزامي
هم فزعة اللي من ايامه غدا منحد
هم طب جرحي ملاذي سلوة الامي
يكفيني منهم في ضيقي ( ياصبي اشتد)
يامنكر الحق رايك ماهو الزامي
لا يوخذ براي مقرود ٍولا يعتد