لو عندك احساس ! - محمد البطحي
مدام ،،تدري بحالي ليه ما جيت
شلون قلبك بهاالليله نساني
البارحه فيك افكر لين مليت
معقوله الشوق ماجابك عشاني ؟
الشوق غنى علشانك وغنيت
خذلني الوقت والموقف بكاني
قتلت الاحلام فيني ويش خليت ؟
جيت ارسمك حب لكن مامداني !
لو عندك احساس مثلي كان حسيت
ما كان ماتت من ايديك الاماني
حبيت من كل قلبي وان حبيت
غيري واخذك الهوى مع شخص ثاني
وش ذنبي ان كان مع حبك تربيت ؟
اليوم حزني من اغيابك ملاني
معاي في كل لحظه وان تناسيت
رحلت والحب في دربك لقاني
كثير في حق من حبك تماديت
ما يوم صوتك عن الخاطر دعاني
حاولت ادآري جروح القلب وازريت
صدقني الحين مدري ويش بلاني
عشرين مره اغني واكسر البيت
ماكني اللي رفع فيك المعاني
ماتدري الحب وش سوى وسويت ؟
عطيته الروح لكنه نساني