اربع سنين - محمد البطحي
انا ماقدرت انشدك وقولك وش جاك ؟
تركتك تشوف العين وش كان مقصدها
يطول العذاب بقلب منهو عجز ينساك
يشوفك بعينه اقرب الناس وابعدها
لي اليوم يمكن اربع سنين في ذكراك
تواعدني جروح المفارق ووآعدها
معي كل يوم وكل ساعه هنا وهناك
امور(ن) اوكدها وامور(ن) ما اوكدها
عشان المحبه والغلا كل شي افداك
مع إنك جروح البعد فيني تزودها
قسيت ونسيت وكل ما قلت انا مبغاك
لقيت الليالي ما تخلي عوايدها
معاك انت عشت اجمل احساس ،، وبلياك
جميع المشاعر والاحاسيس فاقدها
اشيلك بقلبي كل مامرني طرياك
تبين المحبه معك لو كنت جاحدها
لك الله وحبك مادخل فيه غير ارضاك
وجيه الليالي سود ،، وشلون اشاهدها