ايامنا غيرت حتى طبايعنا - محمد البطحي
ياطول ليل الفراق وياكبر جوره
ايامنا غيرت حتى طبايعنا
في يوم غابت نجومه وانطفى نوره
مدري وش اللي حصل ! لكن توادعنا
لو تدمع العين من فرقاك معذورها
لدمع وش قيمته لولا مدامعنا ؟
القلب مشتاقلك والنفس مقهوره
صحيح بعض المواقف مالها معنا
احلامنا من هذاك اليوم مكسوره
وظروفنا للمواصل ما تشجعنا
سود الليالي خذت منا ومشكوره
احلامنا والغلا واللي بقى معنا
اليوم ان شاعر ما حس بشعوره
ما همه ألا البعاد اللي ملوعنا
انا معك واجمل اللحظات مذكوره
ايام كانت محبتنا دوافعنا
شفني وشوف المشاعر كيف مجبوره
ادوَر الفرصه اللي معك تجمعنا
غلاك للحين ما هز الجفا سوره
ليله من الذكريات ومن مواجعنا
اللي خذاني معك بالصوت والصورهم
ن كان يقدر يرجعنا يرجعنا
لو كان لك قلب مثل الصبح وزهوره
ما ضاق حلم الليالي في شوارعنا