سمر الليالي - محمد الفهاد البرازي
ابنعزل عن جملة الناس واروح
يمديني اطلع عن غبار المدينه
يمديني اطلع وارقب الرجم وانوح
مما بعيني عبرة(ن) مستكينه
جاوبت تغريد القميري على الدوح
والدوح غصنن يابس(ن) من سنينه
يا قلب ياللي طول الايام مجروح
طاف القطار وفاتتك السفينه
يافوح كبدي فوح فوح(ن) على فوح
فوح الدلال المكرمات الثمينه
تناوشني وابعدني عن الشوح
سمر الليالي والعدود الضنينه
لو ان لي حمرا(ن) من الهجن سرسوح
الحره اللي كن فيها مكينه
كان استرحت وشايف درب مصلوح
بيض السهال ولا مقام الغبينه
اليا عطت مع خايع(ن) خالي(ن)سوح
مثل الرعد يبرق وتسمع رطينه
اليا انثنت مثل السحابه لها ضوح
والا الطموح اللى تحرى جنينه
ماودي اجرح خاطر(ن) ضامه البوح
حزين واثر في الصدور الحزينه